पोह्यांचे पापड

pohe-papad-recipe-marathi

pohe-papad-recipe-marathi

पोह्यांचे पापड

साहित्य :

एक किलो जाड पोहे

मीठ

लाल तिखट

३० ग्रॅम पापडखार (भाजलेला)

२५ ग्रॅम हिंग

कृती :

पोहे किंचित भाजून, दळून घ्यावेत. त्यातील थोडे पीठ पापड लाटण्याकरिता ठेवून द्यावे.

बाकीच्या पिठाइतकेच पाणी घेऊन, त्या पाण्यात अंदाजाने मीठ, तिखट, पापडखार व हिंग घालावा.

पाण्याला उकळी आणावी व खाली उतरवून ठेवावे.

नंतर त्यातील एक भांडे पाणी घेऊन, एक भांडे पोह्याचे पीठ घ्यावे व दोन्ही मळून गोळा करून घ्यावा

तो गोळा उखळात मुसळाने चांगला कुटावा व लहान गोळ्या करून, त्यांचे पातळ पापड पोह्याच्या पिठावर लाटावे.

तो गोळा संपल्यावर पुन्हा तसेच पाणी व पीठ घेऊन गोळा तयार करून घ्यावा.

सगळे पाणी व सगळे पीठ कधीच एकदम मिसळून तयार करू नये.

कारण त्यामुळे काही वेळ गेल्यावर त्याचा चिकटपणा कमी होतो.

Be the first to comment

Leave a Reply

Your email address will not be published.